បុរស២នាក់ជិះម៉ូតូបុករថយន្ត បណ្តាលឱ្យរងរបួសធ្ងន់
05-February-2019 | ដោយ ពលមនសិការ
ត្បូងឃ្មុំ៖ ករណីគ្រោះថ្នាក់ចរាចរណ៍មួយបានកើតឡើងរវាងរថយន្ត និងម៉ូតូបណ្តាលឱ្យមនុស្ស២នាក់ រងរបួសធ្ងន់ នៅថ្ងៃចន្ទ ១៥រោច ខែបុស្ស ឆ្នាំច សំរឹទ្ធិស័ក ពុទ្ធសករាជ ២៥៦២ ត្រូវនឹងថ្ងៃទី០៤ ខែកុម្ភៈ ឆ្នាំ២០១៩ វេលាម៉ោង ១៦នឹង១០នាទី នៅលើផ្លវជាតិលេខ៧ ចន្លោះបង្គោលគីឡូម៉ែត្រលេខ១២៩-១៣០ ស្ថិតនៅភូមិទួលវិហារ ឃុំជីរោទិ៍ទី២ ស្រុកត្បូងឃ្មុំ ខេត្តត្បូងឃ្មុំ។
មន្ត្រីនគរបាលចរាចរណ៍ខេត្តត្បូងឃ្មុំបានឱ្យដឹងថាមុនពេលកើតហេតុមានម៉ូតូមួយគ្រឿងម៉ាក ហុងដាZoomer X ពណ៌ខ្មៅ ពាក់ស្លាកលេខត្បូងឃ្មុំ 1F-3563 បើកបរដោយឈ្មោះ ផាត សុផល ហៅរ៉ូ ភេទប្រុស អាយុ១៤ឆ្នាំ ជនជាតិខ្មែរ នៅភូមិជាងសារ ឃុំជីគរ ស្រុកត្បូងឃ្មុំ ខេត្តត្បូងឃ្មុំ (របួសធ្ងន់) បានឌុបឈ្មោះ ឆាត សីហា ភេទប្រុស អាយុ១៥ឆ្នាំ ជាតិខ្មែរ នៅភូមិតូង សង្កាត់សួង ក្រុងសួង ខេត្តត្បូងឃ្មុំ (របួសធ្ងន់) ពេលមកដល់កន្លែងកើតហេតុបានបុកជាមួយរថយន្តម៉ាកកាមរីបាឡែន ពណ៌ទឹកមាស ពាក់ស្លាកលេខ ភ្នំពេញ 2AT-1370 មិនស្គាល់អត្តសញ្ញាណអ្នកបើកបរ (អ្នកបើកបររត់គេចខ្លួនបាត់)។ មន្ត្រីនគរបាលដដែលបន្តថាមូល ម៉ូតូធ្វើដំណើរពីលិចទៅកើត ជែងរថយន្តធុនធំទៅបុករថយន្តកាមរី ពីកើតមកលិច ៕
ចំនួនអ្នកទស្សនា
- ថ្ងៃនេះ3481
- ម្សិលមិញ11441
- សប្តាហ៍នេះ33311
- ខែនេះ148461
- ឆ្នាំនេះ148461
- សរុប20590917